![](https://aktivibarnehagen.no/wp-content/uploads/2022/08/tauet-1140x641.jpg)
Hensikt
I denne aktiviteten får barna utfordra sine motoriske ferdigheiter, konsentrasjon og arbeidsminne gjennom at dei skal hugse ulik informasjon medan dei følgjer eit tau i ulendt terreng.
Forklaring
- Spenn opp eit langt tau mellom to tre. Underlaget må gjerne vere litt ujamt slik at det blir utfordrande. Tauet kan t.d. gå over ein stubbe og under ei grein.
- Heng opp ulike gjenstandar på tauet med klesklyper/ eller i posar. Dømer kan vere kongle, vott, lue, kosedyr mm.
- Barna skal no følgje tauet utan å sjå. Barna skal kjenne på gjenstandane som heng på tauet og hugse på alle gjenstandane dei har passert.
- Når barna kjem til endes på tauet, fortel dei til den vaksne kva for gjenstandar dei kjende seg fram til undervegs.
Variasjon
- Denne aktiviteten kan koplast til tema som ein arbeider med i perioden ein er inne i ved å henge opp gjenstandar som passer til tema.
- Ein kan også nytte aktiviteten i språktrening ved å velje ut gjenstandar evt. bilete (om ein er utan bind for augene) med ord som ein ynskjer å øve på.
Utstyr
Tau
Klesklyper
Ulike gjenstandar til å henge på tauet