Hensikt
Alle mine kyllingar kom heim er ein fangeleik som gjev høg intensitet når kyllingane skal prøve å unngå å bli fanga av reven.
Forklaring
- Lag til eit leikeområde. I den eine enden står alle kyllingane, og i den andre står hønemor. Reven står på langsida, midt mellom kyllingane og hønemor.
- Leiken startar ved at hønemor ropar: «Alle mine kyllingar kom heim!»
- Kyllingane ropar: «Me tør ikkje!»
- Hønemor: «Kvifor ikkje?»
- Kyllingane: «For reven skal ta oss»
- Hønemor: «Kom likevel»
- Så spring kyllingane så raskt dei kan over til hønemor. Reven stormar inn på leikeområdet og prøver å fange så mange kyllingar som mogleg.
- Dei som blir fanga blir no til revar.
- Hønemor spring over på andre sida, og ropar på kyllingane igjen.
- Når alle er tatt, blir kyllingen som vart fanga først til rev, og kyllingen som vart fanga sist, blir til hønemor.
Utstyr
Ingen krav til utstyr.