Hensikt
I Bjørnen sover blir barna utfordra på grunnleggjande motoriske ferdigheiter knytt til forflytning. Ved å variere måten å forflytte seg på, blir barna óg utfordra på å hugse informasjon.
Forklaring
- Barna stiller seg i ein ring, med bjørnen i midten.
- Barna og den vaksne avtalar korleis dei skal komme seg unna bjørnen. Dømer kan vere å krype, hoppe, galoppere, gå sidelengs, hinke. Bjørnen gjer dei same rørslene.
- Barna syng «Bjørnen sover» medan dei går rundt bjørnen.
- Når songen er ferdig skal bjørnen prøve å fange så mange barn som mogleg, og dei barna som blir fanga skal vere med bjørnen og vere bjørn i neste runde.
Tips
- Barna kan gjere bli einige om å vere ulike dyr, og forflytte seg slik det dyret gjer. T.d. åle seg som ein slange, galoppere som ein hest, gå som ei lita mus (musesteg) osb.
Variasjon
- Dersom ein leikar leiken i ulendt terreng blir aktiviteten óg meir motorisk utfordrande.
- Ein kan gjere aktiviteten meir utfordrande ved å velje motoriske rørslemønster som er meir krevjande, t.d. krev meir koordinasjon. Dersom ein t.d. vel at barna skal hoppe, kan ein tipse om at dei som ynskjer kan prøve å hinke.
Utstyr
Ingen krav til utstyr.