Fargetunell-stafett

Forklaring

1. Ei gruppe med 4-6 barn stiller seg på alle fire inntil kvarandre og lagar ein kort tunell.
2. Det barnet som står ytst til høgre, startar på signal med å krype gjennom tunellen.
3. Dei barna som utgjer tunellen, står heile tida med begge knea og hendene i golvet.
4. På førehand har den vaksne vist eit pappstykke med ein farge (t.d. raud). Når barnet kjem ut av enden på tunellen, skal barnet finne ein gjenstand i rommet med raud farge og leggje denne gjenstanden i ein oppstilt kasse ved enden av tunellen. Etter dette skal barnet stille seg opp og danne tunell, slik at nummer to i rekkja kan starte.
5. Den vaksne er rask med å vise ny farge (t.d. blå) før nummer to skal starte. Nummer to må leite etter ein gjenstand med blå farge i rommet og leggje denne i kassen, og så danne tunell, før nummer tre skal starte. Alt dette skal gå føre seg fortløpande og den vaksne kan ta tida på stafetten om barna ynskjer.