Mauren og barnålene

Hensikt

I denne aktiviteten skal barna arbeide i moderat til høg intensitet ved at dei er flittige maur som samlar barnåler.

Legg ein rockering i midten av leikeområdet og fyll rockeringen med barnåler (erteposar eller anna).
Barna (maurane) fordeler seg i to-fire rockeringar (maurtua til mauren) med lik avstand til midten.
På signal skal alle maurane hente barnåler til sitt hus. Ein maur har berre lov å ta med seg ei barnål om gangen. Dei må springe mange gonger fram og tilbake for å hente barnålene.
Når det er tomt med barnåler, tel ein opp kor mange barnåler kvar maurtue har samla.
Leiken fortset med at maurane skal leggje barnålene tilbake i rockeringen i midten. Når maurane ikkje har fleire barnåler i maurtua si, er leiken slutt.

Når barna skal lære leiken kan det vere greitt å starte med berre to maurtuer. Det kan vere vanskeleg for barna å forstå at dei berre skal ta med seg ei barnål, så det er kanskje lurt å ta eit par rundar berre for å øve før ein startar leiken.

For å auke intensiteten i leiken kan ein auke avstanden som mauren skal springe.
Ein kan variere leiken ved at maurane skal forflytte seg på ulike måtar (springe, gå, hinke, hoppe, krype).

Rockeringar
Erteposar (evt. kongler, steinar eller anna)