Dyra om vinteren
Det er spennande å undre seg over kva som skjer med ulike dyr om vinteren. Nokre dyr ligg i hi og andre skiftar pels. Korleis skaffar dyra seg mat om vinteren? La barna utforske og danne seg nye erfaringar med naturen. Finn me insekt eller andre småkryp om vinteren?
Her er tips til ulike aktivitetar og leikar de kan bruke for å bli betre kjent med dyra om vinteren.
Tips til fysisk aktive leikar
Lotto i ulendt terreng
Underlaget vinterstid utfordrar motorikken til barna. Bruk gjerne ein lotto som er kopla til dyra de arbeider med om vinteren.
Stor fangar liten, og liten fangar stor
Bruk gjerne dyr som de arbeider med i temaet Dyra om vinteren.
Henteterning med sorteringsstasjon
Lag til ein variant av henteterning der barna skal sortere dyr i ulike kategoriar.
Utdrag frå Rammeplanen
Frå fagområdet Natur, miljø og teknologi:
«Barnehagen skal bidra til at barna blir glade i naturen og får erfaringar med naturen som fremjar evna til å orientere seg og vere i naturen til ulike årstider» s. 52.
«Gjennom arbeid med natur, miljø og teknologi skal barnehagen bidra til at barna får kunnskap om dyr og dyreliv» s. 52.
«Personalet skal leggje til rette for mangfaldige naturopplevingar og bruke naturen som arena for leik, undring, utforsking og læring.»